ကမ္ဘောဒီးယားနိုင်ငံတွင်  ကျင်းပခဲ့သည့်  3rd ASEAN-India Grassroots Innovation Forum သို့တက်ရောက်ခဲ့သော မြန်မာကိုယ်စားလှယ်အဖွဲ့၏ အတွေ့အကြုံများ   ပြန်လည်မျှဝေခြင်း    အခမ်းအနားအား   ၂၀၂၃ခုနှစ်၊ ဇန်နဝါရီလ(၂၄)ရက်နေ့၊ နံနက်(၁၀း၀၀ မှ ၁၁း၃၀) နာရီတွင် သိပ္ပံနှင့်နည်းပညာဝန်ကြီး ဌာန၊သုတေသနနှင့်တီထွင်ဆန်းသစ်မှုဦးစီးဌာနတွင်Hybrid Modeဖြင့်ကျင်းပခဲ့ရာ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယပါမောက္ခချုပ်များ၊ အစိုးရနည်းပညာ ကောလိပ်၊ အစိုးရစက်မှုလက်မှုသိပ္ပံမှ ကျောင်းအုပ်ကြီးများ၊နည်းပညာသက်မွေးပညာနှင့် လေ့ကျင့်ရေး ဦးစီးဌာန မှ ဆရာ၊ဆရာမများနှင့် ‌ကျောင်းသား၊ကျောင်းသူများ၊ အဆင့်မြင့်သိပ္ပံနှင့်နည်းပညာဦးစီးဌာနမှ   ဆရာ၊    ဆရာမများနှင့် ‌   ကျောင်းသား၊   ကျောင်းသူများ၊  မြန်မာကိုယ်စားလှယ် အဖွဲ့မှအဖွဲ့ဝင်များနှင့် အခြား ဖိတ်ကြားထားသော ဧည့်သည်တော်များတက်ရောက်ခဲ့ပါသည်။ ဆက်လက်၍ ညွှန်ကြားရေးမှူးချုပ် ဒေါက်တာဖြူဖြူဝင်းမှ ကမ္ဘောဒီးယားနိုင်ငံတွင် ကျင်းပခဲ့သည့်  3rd ASEAN-India Grassroots Innovation Forum  နှင့်စပ်လျဉ်း၍    အဖွင့်အမှာစကားနှင့်   ရရှိလာသော အတွေ့အကြုံများကို ရှင်းလင်း ပြောကြားခဲ့ပါသည်။

စက်မှုနည်းပညာ  လေ့ကျင့်သင်ကြားရေး သင်တန်းကျောင်း၊ ကျောင်းအုပ်ကြီး ဒေါက်တာ နေဇာအောင်မှ Grassroots Innovation Competition တွင် Judge တစ်ဦး ဆောင်ရွက်ခဲ့သည့် ရရှိလာ သည့်အတွေ့အကြုံများကို ရှင်းလင်းတင်ပြခဲ့ပြီး သုတေသနနှင့်တီထွင်ဆန်းသစ်မှုဦးစီးဌာန ဒုတိယ ညွှန်ကြားရေးမှူး  ဒေါက်တာသီရိရွှေရည်ဝင်းမှလည်း Grassroots  Innovation  Competition တွင် Innovator တစ်ဉီးအဖြစ် ပါဝင် ယှဉ်ပြိုင်ခဲ့သည့် ရရှိလာသည့် အတွေ့အကြုံများကိုလည်းကောင်း၊ အင်းစိန် GTI တတိယနှစ်ကျောင်းသူ မယွန်းမီမီဖြိုးမှ Student’s Project Competition မှရရှိလာသည့် အတွေ့အကြုံများကိုလည်း ရှင်းလင်းတင်ပြခဲ့ကြပါသည်။

ဒုတိယညွှန်ကြားရေးမှူးချုပ်  ဒေါက်တာဇော်မင်းနိုင်မှလည်း အခမ်းအနားသို့ တက်ရောက်လာကြသူများအား Grassroots Innovation နှင့် ပတ်သက်၍ သိရှိလိုသည်များကိုလည်း ဆွေးနွေးမေးမြန်းနိုင်ပါကြောင်းနှင့် အကြံဥာဏ်များပေးနိုင်ကြောင်း‌ ပြောကြားခဲ့ပါသည်။

သုတေသနနှင့်တီထွင်ဆန်းသစ်မှုဦးစီးဌာနမှညွှန်ကြားရေးမှူးချုပ် ဒေါက်တာဖြူဖြူဝင်းမှ ကမ္ဘောဒီးယားနိုင်ငံတွင် ကျင်းပခဲ့သည့်  3rd ASEAN-India Grassroots Innovation Forum  နှင့်စပ်လျဉ်း၍ အဖွင့်အမှာစကားနှင့်ရရှိလာသောအတွေ့အကြုံများကို ရှင်းလင်း ပြောကြားနေပုံ

စက်မှုနည်းပညာ  လေ့ကျင့်သင်ကြားရေး သင်တန်းကျောင်း၊ ကျောင်းအုပ်ကြီး ဒေါက်တာ နေဇာအောင်မှ Grassroots Innovation Competition တွင် Judge တစ်ဦး ဆောင်ရွက်ခဲ့သည့် ရရှိလာ သည့်အတွေ့အကြုံများကို ရှင်းလင်းတင်ပြနေပုံ

သုတေသနနှင့်တီထွင်ဆန်းသစ်မှုဦးစီးဌာန ဒုတိယ ညွှန်ကြားရေးမှူး  ဒေါက်တာသီရိရွှေရည်ဝင်းမှလည်း Grassroots  Innovation  Competition တွင် Innovator တစ်ဉီးအဖြစ် ပါဝင် ယှဉ်ပြိုင်ခဲ့သည့် ရရှိလာသည့် အတွေ့အကြုံများရှင်းလင်းတင်ပြနေပုံ

အင်းစိန် GTI တတိယနှစ်ကျောင်းသူ မယွန်းမီမီဖြိုးမှ Student’s Project Competition မှရရှိလာသည့် အတွေ့အကြုံများကိုလည်း ရှင်းလင်းတင်ပြနေပုံ

သုတေသနနှင့်တီထွင်ဆန်းသစ်မှုဦးစီးဌာန၊ဒုတိယညွှန်ကြားရေးမှူးချုပ် ဒေါက်တာ ဇော်မင်းနိုင်မှလည်း အခမ်းအနားသို့ တက်ရောက်လာကြသူများအား Grassroots Innovation နှင့် ပတ်သက်၍ရှင်းလင်းတင်ပြနေပုံ

         အမှတ်တရစုပေါင်းမှတ်တမ်းတင်ဓါတ်ပုံ