သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာန၊ ပြန်ပြည့်မြဲ စွမ်းအင်နှင့် အီလက်ထရောနစ်နည်းပညာသုတေသနဗဟိုဌာန အောက်ရှိ  ပြန်ပြည့်မြဲစွမ်းအင် သုတေသနဌာနမှ သုတေသနပြုလုပ်ခဲ့သော “Automatic Heating Mixer for Food Processing တည်ဆောက်ခြင်း” နည်းပညာအား Treasure Mya Co.,Ltd. သဘာဝရတနာဓနိဖူးခြောက်လုပ်ငန်း မှ နည်းပညာပံ့ပိုးပေးပါရန် တောင်းခံလာ၍ (၅-၇-၂၀၂၄) နေ့ရက် တွင် “MSME လုပ်ငန်းရှင်အား နည်းပညာလွှဲပြောင်းပေးခြင်း” အခမ်းအနားကို သုတေသနနှင့် တီထွင်ဆန်းသစ်မှုဦးစီးဌာန(DRI)၊ PA System ခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် သုတေသနနှင့်တီထွင်ဆန်းသစ်မှု ဦးစီးဌာန၊ ပြန်ပြည့်မြဲစွမ်းအင်နှင့်အီလက်ထရောနစ်နည်းပညာသုတေသနဗဟိုဌာန၊ ဒုတိယညွှန်ကြားရေးမှူးချုပ် ဒေါက်တာဇော်မင်းနိုင်မှ အဖွင့်အမှာစကား ပြောကြားခဲ့ရာတွင် MSMEsများ ဖွံ့ဖြိုးတိုးတက်ရေးအတွက် နည်းပညာလွှဲပြောင်းရေးသည် အရေးကြီးသော အခန်းကဏ္ဍမှ ပါဝင်နေသောကြောင့် ဤဦးစီးဌာနသည် MSMEs များသို့ နည်းပညာများ လွှဲပြောင်းပေးနိုင်ရန် သုတေသနလုပ်ငန်းများကို ဆောင်ရွက်လျက်ရှိပါကြောင်း ယခုတွင်လည်း ဓနိဖူးကို အခြောက်ပြုလုပ်၍ အခြားနိုင်ငံများသို့ တင်ပို့ရာတွင် တန်ဖိုးမြှင့်ထုတ်လုပ်ရန် အတွက် ထိုလုပ်ငန်းစဉ်တွင် အသုံးပြုသည့် စက်ပစ္စည်းကို ပြည်တွင်း၌ ဖန်တီးထုတ်လုပ်ခြင်းဖြင့် ကုန်ကျစရိတ်သက်သာစေ၍ ကုန်ကြမ်းများကို အရည်အသွေးမြင့်စွာ ထုတ်လုပ်နိုင်မည်ဖြစ်ကြောင်း နှင့် နောင်တွင်လည်း ဆက်စပ်လုပ်ငန်းများအတွက် နည်းပညာများလိုအပ်ပါက ဦးစီးဌာနမှ ပံ့ပိုးပေးမည်ဖြစ်ကြောင်း ပြောကြားခဲ့ပါသည်။ ဆက်လက်၍ ဒုတိယညွှန်ကြားရေးမှူး၊ ဒေါက်တာသီရိရွှေရည်ဝင်း   မှ Automatic Heating Mixer တည်ဆောက်သည့် နည်းပညာနှင့် ပတ်သက်၍ ရှင်းလင်းပြောကြားခဲ့ပါသည်။ ထို့နောက် Treasure Mya Co.,Ltd. သဘာဝရတနာ ဓနိဖူးခြောက်လုပ်ငန်း သို့ နည်းပညာအား လွှဲပြောင်းပေးအပ်ခဲ့ပါသည်။  နည်းပညာလွှဲပြောင်းလက်ခံသူ လုပ်ငန်းရှင်ဖြစ်သော  ကုမ္ပဏီဒါရိုက်တာ ဒေါ်မြမဉ္ဇူ မှ ကျေးဇူးတင်စကား ပြန်လည်ပြောကြားကာ အမှတ်တရဓာတ်ပုံ ရိုက်ကူးပြီး အခမ်းအနားအား အောင်မြင်စွာ ကျင်းပပြီးစီးခဲ့ပါသည်။

        ပြန်ပြည့်မြဲစွမ်းအင်နှင့် အီလက်ထရောနစ်နည်းပညာသုတေသနဗဟိုဌာန မှ ဒုတိယညွှန်ကြားရေးမှူးချုပ်၊ ဒေါက်တာဇော်မင်းနိုင်မှ အဖွင့်အမှာစကားပြောကြားခြင်း

           Automatic Heating Mixer ၏ တည်ဆောက်သည့် နည်းပညာနှင့်ပတ်သက်၍ ဒုတိယညွှန်ကြားရေးမှူး၊ဒေါက်တာသီရိရွှေရည်ဝင်း မှ ရှင်းလင်းတင်ပြခြင်း

သုတေသနနှင့်တီထွင်ဆန်းသစ်မှုဦးစီးဌာန၊ ပြန်ပြည့်မြဲစွမ်းအင်နှင့် အီလက်ထရောနစ်နည်းပညာ သုတေသနဗဟိုဌာန၊ ဒုတိယညွှန်ကြားရေးမှူးချုပ်၊ ဒေါက်တာဇော်မင်းနိုင်မှ

                                    Treasure Mya Co.,Ltd. သဘာဝရတနာ ဓနိဖူးခြောက်လုပ်ငန်း သို့ နည်းပညာအား လွှဲပြောင်းပေးအပ်ခြင်း

                                                                နည်းပညာလွှဲပြောင်းလက်ခံသူလုပ်ငန်းရှင်နှင့် မှတ်တမ်းဓါတ်ပုံရိုက်ကူးခြင်း

                                         နည်းပညာလွှဲပြောင်းလက်ခံသူ MSME လုပ်ငန်းရှင် ဒေါ်မြမဉ္ဇူမှ ကျေးဇူးတင်စကားပြောကြားခြင်း