အမျိုးသားပို့ကုန်မဟာဗျူဟာရှိ အရည်အသွေး စီမံခန့်ခွှဲမှုကဏ္ဍ ၏ ရည်မှန်းချက် တစ်ခုဖြစ်သည့် အမျိုးသားအရည်အသွေးဆိုင်ရာ အခြေခံအဆောက်အအုံ စည်းမျဉ်းမူဘောင် အားကောင်း လာစေရန် ရည်ရွယ်၍ အဆိုပါကဏ္ဍ၏ လုပ်ငန်းစဉ်တစ်ခု ဖြစ်သည့် Inspection က စွမ်းဆောင်ရည်မြင့်မား တိုးတက်စေရန် ရည်ရွယ်ကာ အစားအသောက်နှင့် ဆေးဝါးကွပ်ကဲရေးဦးစီးဌာန၊ သုတေသနနှင့် တီထွင်ဆန်းသစ်မှုဦးစီးဌာန နှင့် Myanmar Food Laboratory Network တို့ပူးပေါင်း၍ အသေးစားစက်မှုလက်မှုလုပ်ငန်းဦးစီးဌာန၏ အထောက်အပံ့ဖြင့် Capacity Building for Inspection Training အား (၁၅-၅-၂၀၂၄) ရက်နေ့မှ (၁၇-၅-၂၀၂၄) ရက်နေ့အထိ အစည်းအဝေးခန်းမ၊ သုတေသနနှင့်တီထွင်ဆန်းသစ်မှုဦးစီးဌာနတွင် ကျင်းပပြုလုပ်ခဲ့ရာ အသေးစားစက်မှု လက်မှု လုပ်ငန်း ဦးစီးဌာနပြည်နယ်နှင့်တိုင်းအသီးသီးရှိဝန်ထမ်းများ၊ သုတေသနနှင့် တီထွင်ဆန်းသစ်မှုဦးစီး ဌာနမှ ဝန်ထမ်းများ၊ Myanmar Food Laboratory Network အဖွဲ့ဝင်များ၊ သင်တန်းသား စုစုပေါင်း(၇၅)ဦး တက်ရောက်ခဲ့ပါသည်။ သင်တန်းတွင် ဒေါ်လဲ့လဲ့ဝင်း(ဒုတိယညွှန်ကြားရေးမှူး၊ အမျိုးသားစံချိန်စံညွှန်း နှင့် အရည်အသွေးဌာန)၊ ဒေါက်တာစုစုပိုင် (ဒုတိယညွှန်ကြားရေးမှူး၊ အစားအသောက်ဌာန၊ FDA)၊ ဒေါ်ဖြူဖြူဝင်း (Managing Director-Global Greatness Co.,Ltd)နှင့် ဦးထွန်းထွန်း(Technical Director-Global Greatness Co.,Ltd) တို့မှ Power Point Presentation များဖြင့်သင်ကြားခြင်း၊ သင်ခန်းစာများအား အုပ်စုလိုက်ဆွေးနွေးခြင်းတို့အပြင် ၁၇-၅-၂၀၂၄ ရက်နေ့တွင် မှော်ဘီမြို့နယ်ရှိ သီဟိုဠ်စေ့ထုတ်လုပ်သောစက်ရုံသို့ သွားရောက်ကာ   စက်ရုံအားစစ်ဆေးခြင်းဆိုင်ရာများအား လက်တွေ့ လေ့လာခဲ့ကြပါသည်။ သင်တန်းအား ၁၇-၅-၂၀၂၄ ရက်နေ့ ညနေတွင်  သင်တန်းဆင်း လက်မှတ်များ ပေးအပ်ကာ သင်တန်းအစီအစဉ်အောင်မြင်စွာ ပြီးမြောက်ခဲ့ပါသည်။

           သုတေသနနှင့်တီထွင်ဆန်းသစ်မှုဦးစီးဌာနမှညွှန်ကြားရေးမှူးချုပ်မှအဖွင့်အမှာစကားပြောကြားစဉ်

(၁၅-၅-၂၀၂၄) ရက်နေ့မှ (၁၇-၅-၂၀၂၄) ရက်နေ့အထိ သုတေသနနှင့်တီထွင်ဆန်းသစ်မှုဦးစီးဌာနတွင်  ကျင်းပပြုလုပ်ခဲ့သည့် “Capacity Building for Inspection Training” မှတ်တမ်းဓာတ်ပုံများ

    ၁၇-၅-၂၀၂၄ ရက်နေ့တွင် မှော်ဘီမြို့နယ်ရှိ သီဟိုဠ်စေ့ထုတ်လုပ်သောစက်ရုံသို့သွားရောက်လေ့လာခြင်း