Hinthar Education/ Hinthar International School မှ ဆရာမကြီး ဒေါက်တာဖြူဖြူမြင့် ဦးဆောင်သော ဆရာ၊ ဆရာမများနှင့် ဆေးပညာဆိုင်ရာ ကျောင်းသား၊ ကျောင်းသူ (၃၂)ဦးအဖွဲ့တို့သည် အဆင့်မြင့်ပညာရေးကို အထောက်အကူပြုသည့် လက်တွေ့ဓာတ်ခွဲခန်း ပညာရပ် များလေ့လာရန်     သုတေသနနှင့်တီထွင်ဆန်းသစ်မှုဦးစီးဌာနသို့ (၂၉-၅-၂၀၂၄) ရက်နေ့ နံနက် (၉:၃၀) နာရီတွင် လာရောက်ခဲ့ကြပါသည်။ လေ့လာရေးအဖွဲ့အား  သုတေသနနှင့်တီထွင်ဆန်းသစ်မှုဦးစီးဌာန၊ ညွှန်ကြားရေးမှူးချုပ် ဒေါက်တာဖြူဖြူဝင်းနှင့် အမျိုးသားဓာတ်ခွဲခန်းရှိ ညွှန်ကြားရေးမှူးများနှင့် ဌာနမှူး၊ ဌာနတာဝန်ခံများမှ အခမ်းအနားဖြင့် ကြိုဆိုနှုတ်ဆက်ခဲ့ကြပါသည်။ အခမ်းအနားတွင် သုတေသနနှင့် တီထွင်ဆန်းသစ်မှုဦးစီးဌာန၊ ညွှန်ကြားရေးမှူးချုပ် ဒေါက်တာဖြူဖြူဝင်းမှ ကြိုဆိုနှုတ်ခွန်းဆက်စကား ပြောကြားခဲ့ပြီး Hinthar Education မှ ဆရာမကြီး ဒေါ်ဖြူဖြူမြင့်မှ အဆင့်မြင့်ဓာတ်ခွဲတိုင်းတာ ခြင်းနည်းပညာများအား လာရောက်လေ့လာခွင့်ရသည့်အတွက် ကျေးဇူးတင်ဝမ်းမြောက်စကား ပြန်လည် ပြောကြားခဲ့ပါသည်။ ထို့နောက် အမျိုးသားဓာတ်ခွဲခန်းမှ ညွှန်ကြားရေးမှူး ဒေါက်တာအေးအေးလှိုင်မှ အမျိုးသားဓာတ်ခွဲခန်းရှိ ဌာနအသီးသီး၏ ဓာတ်ခွဲတိုင်းတာမှုများကို ရှင်းလင်းပြောကြားပေးခဲ့ပြီး၊ စုပေါင်း အမှတ်တရဓာတ်ပုံ ရိုက်ကူးခဲ့ပါသည်။ 

လေ့လာရေးအစီအစဉ်အရ  အမျိုးသားဓာတ်ခွဲခန်းရှိ ဒြပ်ပစ္စည်းဂုဏ်သတ္တိတိုင်းတာရေးဌာနခွဲ၊ ဓာတုဓာတ်ခွဲဌာနခွဲနှင့် ဒြပ်စင်ဓာတ်ခွဲဌာနခွဲများရှိ သွင်းကုန်ဓာတုပစ္စည်းများနှင့် ဓာတုကုန်ကြမ်းများ စစ်ဆေးပေးမှုများ၊ ရေအမျိုးမျိုးနှင့် အစားအစာများတွင် ပါဝင်သော ဒြပ်ပေါင်းများအား တိုင်းတာပေး မှုများနှင့် သဘာဝအပင်များမှ ထုတ်ယူသောအဆီများတွင် ပါဝင်သော ဒြပ်ပေါင်းများ ခွဲခြားပေးမှုများ စသည်တို့ကို ဌာနတာဝန်ခံများမှ လက်တွေ့ ရှင်းလင်းပြသပေးခဲ့ရာ ကျောင်းသား၊ ကျောင်းသူများမှ စိတ်ဝင်တစား လေ့လာမှတ်သားခဲ့ကြပြီး    နံနက် (၁၁:၄၅) နာရီတွင် လေ့လာရေးအဖွဲ့သည် သုတေသန နှင့်တီထွင်ဆန်းသစ်မှုဦးစီးဌာနမှ ပြန်လည်ထွက်ခွာသွားခဲ့ကြပါသည်။ 

သုတေသနနှင့်တီထွင်ဆန်းသစ်မှုဦးစီးဌာန၊ ညွှန်ကြားရေးမှူးချုပ် ဒေါက်တာဖြူဖြူဝင်းမှ ကြိုဆိုနှုတ်ဆက်စကား ပြောကြားခြင်း

                                               အခမ်းအနားသို့ တက်ရောက်လာကြသူများ

                      လေ့လာရေးလာရောက်သည့် ကျောင်းသားကျောင်းသူများနှင့်အမှတ်တရ ဓာတ်ပုံရိုက်ကူးခြင်း

                  X-ray Diffractometer (XRD) စက်ဖြင့် ဓာတ်ခွဲတိုင်းတာမှုများအား လက်တွေ့ ရှင်းလင်းပြသခြင်း

Fourier-Transform Infrared Spectroscopy (FTIR) စက်ဖြင့် ဓာတ်ခွဲတိုင်းတာမှုများအား လက်တွေ့ ရှင်းလင်းပြသခြင်း

Gas Chromatography – Mass Spectrometer (GC-MS) စက်ဖြင့် ဓာတ်ခွဲတိုင်းတာမှုများအား လက်တွေ့ ရှင်းလင်းပြသခြင်း

Atomic Absorption Spectrometer (AAS) စက်ဖြင့် ဓာတ်ခွဲတိုင်းတာမှုများအား လက်တွေ့ ရှင်းလင်းပြသခြင်း