၂၀၂၃ခုနှစ်၊ ဖေဖော်ဝါရီလ ၂၃ ရက်နေ့တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ့ကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ် ဒေါ်နော်မူတာကပေါပါဝင်သည့်အဖွဲ့သည်  သုတေသနနှင့်တီထွင်ဆန်းသစ်မှုဦးစီးဌာနသို့ နိုင်ငံတကာကုန်သွယ်မှု လွယ်ကူချောမွေ့စေရေး ဆောင်ရွက် ထားမှုများ၊ အသေးစား၊ အငယ်စားနှင့်အလတ်စားစီးပွားရေးလုပ်ငန်းရှင်များအတွက် နည်းပညာ ပံ့ပိုးပေးမှု များနှင့် နိုင်ငံတကာဈေးကွက်တွင် မြန်မာ့ထွက်ကုန်များ တင်ပို့ရောင်းချနိုင်ရေးတို့အတွက် ပူးပေါင်း ဆောင်ရွက်လိုသည်များကို  သုတေသနနှင့်တီထွင်ဆန်းသစ်မှုဦးစီးဌာနသို့  လာရောက်တွေ့ဆုံ ဆွေးနွေးခဲ့ ပါသည်။ တွေ့ဆုံဆွေးနွေးပွဲသို့ ညွှန်ကြားရေးမှူးချုပ် ဒေါက်တာဖြူဖြူဝင်း၊  ပြန်ပြည့်မြဲစွမ်းအင်နှင့် အီလက် ထရောနစ်နည်းပညာသုတေသနဗဟိုဌာနမှ ဒုတိယညွှန်ကြားရေးမှူးချုပ် ဒေါက်တာဇော်မင်းနိုင်၊ အမျိုးသား ဓာတ်ခွဲခန်းမှ ဒုတိယညွှန်ကြားရေးမှူးချုပ် ဒေါက်တာထွန်းထွန်းမိုးနှင့် သက်ဆိုင်ရာဌာနမှူးများ တက်ရောက် ခဲ့ကြပါသည်။ အဆိုပါတွေ့ဆုံဆွေးနွေးပွဲတွင် ညွှန်ကြားရေးမှူးချုပ် ဒေါက်တာဖြူဖြူဝင်းမှ ဦးဆောင် ဆွေးနွေးခဲ့ပါသည်။ ဒုတိယညွှန်ကြားရေးမှူးချုပ် ဒေါက်တာထွန်းထွန်းမိုးက အမျိုးသားဓာတ်ခွဲခန်း တွင် ဓာတ်ခွဲစမ်းသပ်ခြင်းဆိုင်ရာဝန်ဆောင်မှုများအကြောင်း၊ ညွှန်ကြားရေးမှူး ဒေါက်တာကျော်စိုးလွင်က အမျိုးသားစံချိန်စံညွှန်းနှင့်အရည်အသွေးဌာနမှ မြန်မာ့ထုတ်ကုန်များအတွက် စံချိန်စံညွှန်းများရေးဆွဲခြင်း အကြောင်းအရာများကို ရှင်းလင်းတင်ပြခဲ့ပြီး၊ ဓာတုနည်းပညာသုတေသနဗဟိုဌာနမှ ဒုတိယညွှန်ကြားရေး မှူး ဒေါက်တာကေသွယ်ခိုင်က အစားအစာတီထွင်ဆန်းသစ်မှုဌာန (Food Innovation Centre)မှ ထုတ်ကုန်များ ထုတ်လုပ်နိုင်မှုနှင့် အသေးစား၊ အငယ်စားနှင့်အလတ်စားစီးပွားရေးလုပ်ငန်းရှင်များအတွက် နည်းပညာ ပံ့ပိုးပေးမှုများကို  ရှင်းလင်းတင်ပြခဲ့ပါသည်။ ဆက်လက်၍ မြန်မာ့ကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ် ဒေါ်နော်မူတာကပေါနှင့် အဖွဲ့ဝင်များက ပူးပေါင်းဆောင်ရွက်လိုသည်များကို ဆွေးနွေးခဲ့ကြပါသည်။ ထို့နောက် ဓာတုနည်းပညာသုတေသနဗဟိုဌာန၊ အမျိုးသားဓာတ်ခွဲခန်း၊ တိကျစွာတိုင်းတာခြင်းနည်းပညာဌာနနှင့် အစားအစာတီထွင်ဆန်းသစ်မှုဌာနများသို့ လေ့လာကြည့်ရှုခဲ့ ကြပါသည်။

အမျိုးသားဓာတ်ခွဲခန်းမှ ဒုတိယညွှန်ကြားရေးမှူးချုပ် ဒေါက်တာထွန်းထွန်းမိုးမှ ဓာတ်ခွဲစမ်းသပ်ခြင်းဆိုင်ရာဝန်ဆောင်မှုများအကြောင်း ရှင်းလင်းပြောကြားနေပုံ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ညွှန်ကြားရေးမှူးချုပ်နှင့်အဖွဲ့မှ သုတေသနနှင့်တီထွင်ဆန်းသစ်မှုဦးစီးဌာနသို့လာရောက်တွေ့ဆုံဆွေးနွေးခြင်း

တိကျစွာတိုင်းတာခြင်းနည်းပညာဌာနသို့ သွားရောက်လေ့လာခြင်း

တိကျစွာတိုင်းတာခြင်းနည်းပညာဌာနမှ Lab တာဝန်ခံမှ ရှင်းလင်းပြောကြားနေပုံ

အစားအစာတီထွင်ဆန်းသစ်မှုဌာနသို့ သွားရောက်လေ့လာခြင်း

အစားအစာတီထွင်ဆန်းသစ်မှုဌာနမှ တာဝန်ရှိသူမှရှင်းလင်းပြောကြားနေပုံ