သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာနမှ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၂)ဖြင့် အကောင်အထည်ဖော်ဆောင်ရွက် သည့် “မြန်မာနိုင်ငံသိပ္ပံ၊ နည်းပညာနှင့်ဆန်းသစ်တီထွင်မှု လမ်းပြမြေပုံနှင့် မဟာဗျူဟာများ ထွက်ပေါ် လာစေရေးအတွက် ညှိနှိုင်းဆွေးနွေးပွဲအခမ်းအနား”ကို ရုံးအမှတ်(၂၁)၊ နေပြည်တော်၊ သိပ္ပံနှင့် နည်းပညာဝန်ကြီးဌာန၊ အစည်းအဝေးခန်းမ၌ ယနေ့နံနက်ပိုင်းတွင် ကျင်းပရာ သိပ္ပံနှင့်နည်းပညာဝန်ကြီးဌာန၊ အမြဲတမ်းအတွင်းဝန် ဒေါက်တာစိုင်းကျော်နိုင်ဦး တက်ရောက် အဖွင့်မိန့်ခွန်းပြောကြား ခဲ့ပါသည်။
ညှိနှိုင်းဆွေးနွေးပွဲတွင် မြန်မာနိုင်ငံ သိပ္ပံ၊ နည်းပညာနှင့်ဆန်းသစ်တီထွင်မှုနယ်ပယ် ရေရှည် တည်တံ့ခိုင်မြဲပြီး အားလုံးပါဝင်နိုင်သော ဖွံ့ဖြိုးတိုးတက်မှုကို ပံ့ပိုးပေးနိုင်ရေးအတွက် သိပ္ပံ၊ နည်းပညာနှင့်ဆန်းသစ်တီထွင်မှု ဖွံ့ဖြိုးတိုးတက်ရေး လမ်းပြမြေပုံနှင့် မဟာဗျူဟာများ အတည်ပြုချမှတ် အကောင်အထည်ဖော် ဆောင်ရွက်ရန် အတွက် သိပ္ပံနှင့်နည်းပညာဝန်ကြီးဌာနမှ ဖွဲ့စည်းထားသည့် မြန်မာနိုင်ငံ သိပ္ပံ၊ နည်းပညာနှင့်ဆန်းသစ်တီထွင်မှု လမ်းပြမြေပုံနှင့် မဟာဗျူဟာများရေးဆွဲရေး လုပ်ငန်းအဖွဲ့ဝင်များက သိပ္ပံ၊ နည်းပညာနှင့်ဆန်းသစ်တီထွင်မှု လမ်းပြမြေပုံ(မူကြမ်း)နှင့် ပတ်သက်၍ ဆွေးနွေးခဲ့ကြပါသည်။
အဆိုပါဆွေးနွေးပွဲသို့ သိပ္ပံနှင့် နည်းပညာဝန်ကြီးဌာနမှ အမြဲတမ်းအတွင်းဝန်၊ ညွှန်ကြားရေးမှူးချုပ် နှင့် ဒုတိယ ညွှန်ကြားရေးမှူးချုပ်များ၊ မြန်မာနိုင်ငံသိပ္ပံ၊ နည်းပညာနှင့် ဆန်းသစ်တီထွင်မှု လမ်းပြမြေပုံနှင့် မဟာဗျူဟာများ ရေးဆွဲရေး လုပ်ငန်းအဖွဲ့ဝင်များ၊ ဖိတ်ကြားထားသည့် ဧည့်သည်တော်များ တက်ရောက်ခဲ့ကြပါသည်။
သိပ္ပံနှင့်နည်းပညာဝန်ကြီးဌာန၊ အမြဲတမ်းအတွင်းဝန် ဒေါက်တာစိုင်းကျော်နိုင်ဦး တက်ရောက် အဖွင့်မိန့်ခွန်းပြောကြားခြင်း
သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာန ညွှန်ကြားရေးမှူးချုပ်မှ ဆွေးနွေးတင်ပြနေစဉ်
ညှိုနှိုင်းဆွေးနွေးပွဲတွင် အုပ်စုအဖွဲ့လိုက်တင်ပြဆွေးနွေးနေပုံ
ညှိနှိုင်းဆွေးနွေးပွဲ အခမ်းအနား အမှတ်တရ စုပေါင်းဓာတ်ပုံ
အမှတ် (၆) ကမ္ဘာအေးဘုရားလမ်း
စာတိုက်အမှတ် ၁၁၀၈၁
ရန်ကင်းမြို့နယ်
ရန်ကုန်