သုတေသနနှင့်တီထွင်ဆန်းသစ်မှုဦးစီးဌာနမှ မဲခေါင်-လန်ချန်း ပူးပေါင်းဆောင်ရွက်ရေး အထူးရန်ပုံငွေ (၂၀၂၂) ဖြင့် ရရှိခဲ့သော “မြန်မာနိုင်ငံအတွက် သိပွံ၊ နည်းပညာနှင့် ဆန်းသစ်တီထွင်မှု ဖွံ့ဖြိုးတိုးတက်ရေး မဟာဗျူဟာ များနှင့် လမ်းပြမြေပုံ ရေးဆွဲခြင်း” စီမံကိန်းဖြင့် “မြန်မာနိုင်ငံ သုတေသနရလဒ်များမှ နည်းပညာလွှဲပြောင်းရေးဆိုင်ရာ လုပ်ထုံးလုပ်နည်းများ အတည်ပြုရေး ညှိနှိုင်းဆွေးနွေးပွဲအခမ်းအနား” ကို ၂၁.၁၂.၂၀၂၃ ရက်နေ့၊ (၁၃း၀၀) မှ (၁၆း၂၀) နာရီတွင် ရုံးအမှတ်(၂၁) နေပြည်တော်၌ ကျင်းပဆောင်ရွက်ခဲ့ပါသည်။ အဆိုပါ ညှိနှိုင်းဆွေးနွေးပွဲသို့ မြန်မာနိုင်ငံ သုတေသနရလဒ်များမှ နည်းပညာ လွှဲပြောင်းရေး ဆိုင်ရာ လုပ်ထုံးလုပ်နည်းများ ထွက်ပေါ်လာစေရေး အဖွဲ့ဝင်များနှင့် ဖိတ်ကြားထားသူများ တက်ရောက်ခဲ့ကြပါသည်။ အခမ်းအနားတွင် သုတေသနနှင့်တီထွင်ဆန်းသစ်မှုဦးစီးဌာန၏ ညွှန်ကြားရေးမှူးချုပ် ဒေါက်တာဖြူဖြူဝင်းမှ အဖွင့်အမှာစကား ပြောကြားခြင်း၊ ဒုတိယ ညွှန်ကြားရေးမှူးမှ နည်းပညာလွှဲပြောင်းရေးဆိုင်ရာ လုပ်ထုံးလုပ်နည်းများ ထွက်ပေါ်လာရေး အတွက် တင်ပြဆွေးနွေးခြင်းများဆောင်ရွက်ခဲ့ပါသည်။ ထို့နောက် မြန်မာနိုင်ငံ သုတေသန ရလဒ်များမှ နည်းပညာ လွှဲပြောင်းရေးဆိုင်ရာ လုပ်ထုံးလုပ်နည်းများ ထွက်ပေါ်လာစေရေး အဖွဲ့ဝင်များနှင့် ဖိတ်ကြားထားသူများမှ နည်းပညာလွှဲပြောင်းပေးခြင်းဆိုင်ရာ လုပ်ငန်းစဉ် လမ်းညွှန်(မူကြမ်း)၊ နည်းပညာအသုံးပြုခွင့်လိုင်စင်လျှောက်လွှာပုံစံ (မူကြမ်း)၊ နည်းပညာ လွှဲပြောင်းပေးခြင်းဆိုင်ရာ သဘောတူစာချုပ် (မူကြမ်း) များအား အုပ်စုအဖွဲ့လိုက် ဆွေးနွေး တင်ပြကြပြီး အခမ်းအနားကို ညနေ ၁၆း၃၀ နာရီတွင် ရုပ်သိမ်းခဲ့ပါသည်။
“မြန်မာနိုင်ငံ သုတေသနရလဒ်များမှ နည်းပညာလွှဲပြောင်းရေးဆိုင်ရာ လုပ်ထုံးလုပ်နည်းများ အတည်ပြုရေးညှိနှိုင်းဆွေးနွေးပွဲအခမ်းအနား” တွင် ညွှန်ကြားရေးမှူးချုပ်မှ အဖွင့်အမှာစကားပြောကြားခြင်း
“မြန်မာနိုင်ငံ သုတေသနရလဒ်များမှ နည်းပညာလွှဲပြောင်းရေးဆိုင်ရာ လုပ်ထုံးလုပ်နည်းများ အတည်ပြုရေးညှိနှိုင်းဆွေးနွေးပွဲအခမ်းအနား” တွင် အုပ်စုအဖွဲ့လိုက်တင်ပြဆွေးနွေးခြင်း
အမှတ် (၆) ကမ္ဘာအေးဘုရားလမ်း
စာတိုက်အမှတ် ၁၁၀၈၁
ရန်ကင်းမြို့နယ်
ရန်ကုန်