သုတေသနနှင့် တီထွင်ဆန်းသစ်မှုဦးစီးဌာန
Mekong – Lancang Cooperation Special Fund (2020) ဖြင့် “မဲခေါင်နိုင်ငံ အချင်းချင်း အစားအစာထုတ်လုပ်မှုဆိုင်ရာနည်းပညာများဖလှယ်ခြင်း” အခမ်းအနားကို ၂၀၂၃ ခုနှစ်၊ ဇွန်လ (၁၂) ရက်နေ့ နံနက် (၉) နာရီတွင် ၊ သိပ္ပံနှင့်နည်းပညာဝန်ကြီးဌာန၊ သုတေသနနှင့် တီထွင်ဆန်းသစ်မှုဦးစီး ဌာန(DRI)၊ အစည်းအဝေးခန်းမ၊ ရန်ကုန်မြို့၌ Hybrid Mode ဖြင့် ကျင်းပပါသည်။ အဆိုပါဖွင့်ပွဲအခမ်းအနားတွင် မြန်မာနိုင်ငံ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီအတွင်းရေးမှူး ၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာ ချာလီသန်းမှ အဖွင့်အမှာစကား ပြောကြားခဲ့ပါသည်။ ပြည်ထောင်စု ဝန်ကြီးမှ မဲခေါင်-လန်ချန်း ပူးပေါင်းဆောင်ရွက်မှုများတွင် “လန်ချန်း-မဲခေါင်မြစ်ဝှမ်းနိုင်ငံများအကြား ဆန်းသစ်တီထွင်မှု နည်းပညာကို အသုံးပြု၍ လယ်ယာထွက်ကုန် စားသောက်ကုန်များ၏တန်ဖိုးနှင့် ထုတ်လုပ်မှု စွမ်းရည်မြှင့်တင်ရေး ဖလှယ်ရေးအစီအစဉ်”သည် MSMEs ပြည်သူများ၊ စွန့်ဦးတီထွင် သူများ၊ အစိုးရတာဝန်ရှိသူများ၊ သုတေသီများနှင့် နည်းပညာရှင်များအပါအဝင် ဆန်းသစ် တီထွင်သောထုတ်ကုန်များ ထုတ်လုပ်မှုအတွက် နည်းပညာနှင့် အသိပညာများရရှိမည် ဖြစ်ပါ ကြောင်း၊ နိုင်ငံတော်၏ ဖွံဖြိုးတိုးတက်ရေး လမ်းစဉ်ဖြစ်သော သွင်းကုန်အစားထိုးထုတ်ကုန် များ ထုတ်လုပ်ရေး၊ ပြည်တွင်းထုတ်ကုန်မြှင့်တင်ရေး၊ ပို့ကုန်ပိုမိုထုတ်လုပ်ရေးနှင့် နိုင်ငံခြားငွေရရှိရေး တို့အတွက် MSMEs များကို နိုင်ငံတော်မှအားပေးကူညီလျက်ရှိပါကြောင်း ပြောကြားခဲ့ပါသည်။
ဖွင့်ပွဲအခမ်းအနားသို့ Cambodia, Lao, Thailand, Vietnam and China နိုင်ငံတို့မှ ပါမောက္ခများ၊ အစားအစာထုတ်လုပ်မှုဆိုင်ရာ ကျွမ်းကျင်ပညာရှင်များက Online ဖြင့် တက်ရောက် ကြပြီး သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာနမှ ညွှန်ကြားရေးမှူး ချုပ်၊ ဒုတိယညွှန်ကြားရေးမှူးချုပ်များ၊ ဌာနဆိုင်ရာအကြီးအကဲများ၊ တာဝန်ရှိပုဂ္ဂိုလ်များ၊ တက္ကသိုလ် ပါမောက္ခချုပ်များ၊ ပါမောက္ခများ၊ မြန်မာနိုင်ငံ ကုန်သည်များနှင့်စက်မှုလုပ်ငန်းရှင်များ အသင်းချုပ် (UMFCCI)၊ မြန်မာနိုင်ငံစားနပ်ရိက္ခာနှင့် တင်ပို့ရောင်းချသူများအသင်း (MFPEA)၊ မြန်မာနိုင်ငံ အမျိုးသမီးစွမ်းဆောင်ရှင်များအသင်း၊ မြန်မာနိုင်ငံလူငယ်စွန့်ဦးတီထွင်သူများအသင်း၊ မြန်မာနိုင်ငံ စီးပွားရေးလုပ်ငန်းရှင် အမျိုးသမီးများကွန်ယက်မှ ကိုယ်စားလှယ်များ အပါအဝင် စုစုပေါင်း (၇၅) ဦးခန့် တက်ရောက်ကြပါသည်။
မဲခေါင်-လန်ချန်းနိုင်ငံများမှ ပါမောက္ခများနှင့် အစားအစာထုတ်လုပ်မှုဆိုင်ရာ ကျွမ်းကျင် ပညာရှင် (၃၀)ဦးက အွန်လိုင်း (virtual mode) ဖြင့် ၂၀၂၃ခုနှစ် ဇွန်လ (၁၂ရက်မှ ၁၄ရက်နေ့ထိ)နှင့် ဇွန်လ (၂၃ ရက်မှ ၂၅ရက်နေ့ထိ) နည်းပညာဖလှယ်ခြင်းကို (၆)ရက်ကြာ ပြုလုပ်မည်ဖြစ်ပါသည်။
မြန်မာနိုင်ငံ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီအတွင်းရေးမှူး ၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာ ချာလီသန်းမှ အဖွင့်အမှာစကား ပြောကြားခြင်း
မဲခေါင်နိုင်ငံအချင်းချင်းနည်းပညာဖလှယ်ပွဲအခမ်းအနားတက်ရောက်လာကြသော ဧည့်သည်တော်များနှင့် မှတ်တမ်းဓာတ်ပုံ။
မြန်မာနိုင်ငံမှ တက်ရောက်ကြသော MSMEs လုပ်ငန်းရှင်များ၊ စွန့်ဦးတီထွင်သူများ၊ သုတေသနပညာရှင်များနှင့် နည်းပညာရှင်များ
မဲခေါင်-လန်ချန်းနိုင်ငံများမှ Online ဖြင့်တက်ရောက်ကြသော စွန့်ဦးတီထွင်သူများ၊ သုတေသနပညာရှင်များနှင့် နည်းပညာရှင်များ။
မြန်မာနိုင်ငံမှ တက်ရောက်ကြသော MSMEs လုပ်ငန်းရှင်များ၊ စွန့်ဦးတီထွင်သူများ၊ သုတေသနပညာရှင်များနှင့် နည်းပညာရှင်များ
မြန်မာနိုင်ငံမှ တက်ရောက်ကြသော MSMEs လုပ်ငန်းရှင်များ၊ စွန့်ဦးတီထွင်သူများ၊ သုတေသနပညာရှင်များနှင့် နည်းပညာရှင်များ
အမှတ် (၆) ကမ္ဘာအေးဘုရားလမ်း
စာတိုက်အမှတ် ၁၁၀၈၁
ရန်ကင်းမြို့နယ်
ရန်ကုန်
